AS PONTES, 4 – NUMANCIA, 1

A Cafetería do Casino Aresán patrocinará durante este mes de marzo o trofeo á Regularidade dos xuvenís do Numancia, que iniciaron o mes cun resultado adverso, quizás demasiado avultado.

Ares, 4 de marzo de 2017.

Dúas xogadas desafortunadas na primeira parte déronlle a vantaxe no marcador aos ponteses, un equipo que estaba máis necesitado dos puntos, na súa loita polo segundo posto. Na segunda parte, puido o Numancia meterse no partido se lle entrar algunha das boas ocasións que tivo para conseguir o gol que merecía, mais unha falta dubidosa en medio campo sacada con rapidez polos azuis colleu desarmada á defensa numantina, dando lugar ao terceiro gol que pechaba o partido. 

Durante este mes de marzo, o trofeo á Regularidade dos nosos xuvenís estará patrocinado pola Cafetería do Casino aresán, un lugar de encontro e bo ambiente onde poder degustar tapas variadas ou encargar comidas para a casa. Tamén ofrecen comidas para grupos e organizan cumpreanos e outros eventos. Situada na Avd. Saavedra Meneses, nº 13 de Ares e co tlf. 633242819, está atendida por Tere e Eva desde o mes de febreiro.

Nas votacións do partido de As Pontes participaron os contados pais que se desprazaron ao Poboado. Javier Aneiros, Luís Feal e Xoán Vázquez, xunto ao adestrador José Antón valoraron o xogo dos nosos mozos, sendo estas as súas notas: