VITORIA CÓMODA DOS DE ARES.

Bo partido do conxunto aresano no que mantivo o control do xogo en todo momento, pero que non comezou a materializarse ata ben avanzada a segunda metade.

Ares 2 de novembro de 2013

ALIÑACIONS

NUMANCIA: Miguel, Marcos Rey, Manu (C), Chechu, Marcos Margharetto, Oscar, Raúl e Lucas. Tamén xogaron: Martina, Jaime, Telmo, Zoel e David.

Adestrador: Eugenio Margharetto Rodríguez.

Delegado: Francisco Manuel Iglesias Pena.

G. CARANZA “C”: Aarón (C), Álvaro, Adrián Novo, Marcos, Yeray, Martín, Samuel e Carlos. Tamén xogaron: Adrián Carro, Sergio, Alicia e Bruno.

Adestrador: Alberto Rodríguez Gómez.

Delegado: Javier Pérez Pérez.

ARBITRO: Juan Jesús Espiñeira Vara.

GOLES:

1 - 0: min. 6, balón en longo por banda dereita sobre Oscar, intérnase polo lateral da área e marca de disparo cruzado.

2 - 0: min 24, presión dos locais en tres cuartos de campo visitante que propicia o roubo do balón que chega a Lucas, dispara e rexeita o porteiro, o balón chega de novo a Lucas que non falla no seu segundo disparo.

3 - 0: min. 30, saque de esquina e sensacional remate de volea de Jaime segundo lle cae e que pon fóra do alcance do porteiro.

3 - 1: min. 37, saque de esquina en curto do Caranza que colgan á área, despois de varios remates e rexeitamentos, o balón chega a Martín que libre de marca envía ao fondo da rede.

4 - 1: min. 38, cambio de xogo de Manu sobre Oscar que gaña as costas dos defensas, o dianteiro aresano encara portaría e marca de disparo a media altura.

5 - 1: min. 39, saque de banda sobre Oscar que prolonga de cabeza a Lucas, éste remata segundo lle cae e o balón se coa pegado ao pau.

6 - 1: min. 41, bonita xogada de combinación dos de Ares no centro do campo, o balón chega a Marcos, regatea a dous defensas e pon o balón en profundidade sobre Oscar que remata dende o bordo da área.

7 - 1: min. 49, Telmo dende fóra da área de disparo raso ao aproveitar un rexeitamento da defensa local.

Primeira metade cuns primeiros dez minutos de igualdade para ir decantándose o partido do lado dos de Ares a medida que avanzaba o reloxo. Malia ter o Numancia a posesión da pelota e o control do partido, aos de Ares faltáballes soltura nas chegadas á área, sendo poucas as ocasións na que chegaron con clara vantaxe. Dous goles neste primeiro período foi a renda final que obtiveron os aresáns antes do descanso.

Nos inicios da primeira metade houbo igualdade, pero a maior pegada dos de Ares no último tramo de partido no que comezaron a chegar os goles decantou claramente o partido no seu favor.