UN PUNTO HEROICO

Partido correspondiente a 19ª xornada da Segunda Autonómica grupo 4, disputado na tarde do domingo no campo de Os Calzados en A Capela ante numeroso público.

A Capela 1 de febreIro de 2015.

FICHA TÉCNICA:

A CAPELA: Kike, Santi, Sergio, Espada, Rafa (Noel 53´), Rodri, Mauro (C), Marcos, Telmo (Isma 87´), Viñas (Alex 46´) e Raúl.

Adestrador: Javier López Franco.

Delegado: José Luís Pereira Permuy.

NUMANCIA: Carlos, Berto, Antón, Martín (Paulo 65´), Teti (C), Adri, Manu, Fer (Pepe 57´), Julio (Pedrós 70´) (Isma 77´), Borja (Álvaro 69´) e Chapu.

Adestrador: Marcos Amor Roel.

2º Adestrador: Manuel Antonio Cartelle Permuy.

Delegado: Jose Ramón Hermida Varela.

COLEXIADO: D. Eduardo Pereira Dobarro. Amoestou a Rodri, Marcos e Alex no Capela. No Numancia amoestou a Julio, Antón, Cartelle (2º adestrador), Berto e Isma. Expulsou a Carlos no Numancia.

GOLES:

0 - 1 (ANTÓN) Rechace do porteiro que recolle Chapu quen da o pase da morte para que Antón anote a portería vacía (minuto 39).

1 - 1 (MAURO) Saque de esquina local que remata Mauro totalmente libre de marca dentro da área (minuto 63).

2 - 1 (ALEX) Xogada ofensiva dos locais que finaliza Alex batendo de disparo cruzado a Álvaro (minuto 87).

2 - 2 (MANU) Balón aéreo do Numancia que peina Chapu para que Manu entrando dende atrás supere a Kike na sua saida (minuto 96).

CRÓNICA:

Empate entre Capela e Numancia nun partido emocionante e moi disputado nunha fría tarde de domingo no pequeno terreo de xogo de Os Calzados. O himno do Capela, o tema "Forza Capela" sonaba por megafonía nos minutos previos intentando quentar ó ambiente do graderío.

Nos primeiros compases saía mellor o Numancia e Fernando non chegaba por pouco a un balón cando quedaba so diante do porteiro. O partido foi entrando no habitual xogo aéreo deste campo, onde ambos equipos colgaban balóns as áreas en busca dos seus "killers" Telmo e Chapu respectivamente. Boa ocasión para o Capela en botas de Raúl na que Carlos facía unha sensacional parada. Os numantinos por media de Borja e de Chapu gozaban tamén de boas ocasións, pero tivo que ser o defensa Antón no minuto 39 o que aproveitara unha asistencia de Chapu para facer o 0 - 1 co que se chegaba ao tempo de descanso.

Na reanudación continuaba o intercambio de golpes. Borja e Julio gozaban de duas claras ocasións que non tiveron o premio dun gol que podía sentenciar ó partido. Chegaba o 1 - 1 de A Capela nun saque de esquina moi protestado polos numantinos no que Mauro totalmente libre de marca cabeceaba o balón a dentro da portería aresana no minuto 63. Foron uns minutos fatídicos e de desconcerto dos numantinos. No minuto 67 chegaba a xogada clave do encontro cando Eduardo Pereira asubiaba penalti e expulsión de Carlos nunha xogada de ataque local. ¡¡¡Será por porteiros¡¡¡ Entraba no campo Álvaro sustituindo a Borja pero desta vez para recordar os seus vellos tempos de gardarredes. Nada mais sair ao campo maxistal parada no lanzamento do penalti. Posteriormente os locais atoparonse varias veces coa bautizada "Araña Negra" do Numancia que fixo tres intervencións de moito merito, covertindose nun dos protagonistas do partido. No minuto 87 a insistencia local atopaba premio no 2 - 1 conseguio por Alex. Pero.... ¿alguén pensou que se rendiría ó Numancia? A garra, a fe e o espiritu numantino apareceron para loitar contra todas as adversidades. No minuto 96 balón colgado a área local, o loitador e veterán dianteiro Chapu (unha sorte telo con nós) peinaba o balón e Manu aparecía para definir de forma sútil e conseguir o 2 - 2. Un mazazo "gordo" para as aspiracións locais que observaban estupefactos como os numantinos conseguían rescatar un punto heroico antes do pitido final.

En resumo, vibrante e disputado partido o que ofreceron Capela e Numancia ao valiente público que se achegou aos Calzados nunha tarde moi fría e con chubascos por momentos. Espectacular como sempre a afición numantina que non dubidou en apoiar ao equipo nun dos desprazamentos máis incómodos da temporada.

En definitiva, empate moi meritorio do Numancia nun dos campos mais compricados da categoría. Un punto heroico que saiu caro pola expulsión de Carlos e as lesións de Pedrós e Borja este último con rotura dun óso dunha man que o terá fora dos terreos de xogos mais dun més. ¡¡¡Ánimo Borja¡¡¡ Pero un empate que deixa ao Numancia na 6ª posición recurtando distancias co 4º clasificado o Perlío que está 4 puntos por enriba dos numantinos. Boa dinámica nas últimas xornadas a do Numancia e bo traballo de todos e cada un dos xogadores durante os 90 minutos.

O próximo domingo as 16:30, o Numancia e Prados Vellos recibirá a outro dos equipos que loita pola permanencia na categoría, o sempre difícil e correoso Rosalía de Vilaboa. ¡¡¡Toca seguir subindo postos¡¡¡ ¡¡¡Non faltedes¡¡¡

"Hasta el rabo todo es toro"

O Numancia somos tod@s

¡¡¡AUPA NUMANCIA¡¡¡

Pulsa no seguinte enlace para ver os resultados, clasificación e fichas técnicas da xornada.