2ª AUTONÓMICA. TORNEO “CONCELLO DE ARES”
Este próximo domingo, 2 de agosto, ás 19.00 h. en Prados Vellos, poderemos ver o primeiro partido do Numancia da temporada 2009-10, que contará coa presenza de Manu (procedente do Narón), Pedro (ex-As Pontes) e Óscar Zeta, ademais dos chavales procedentes de xuvenís.
Dispútase o torneo Concello de Ares, organizado polo Numancia en colaboración co concello aresán, nunha nova edición, na que o rival será o equipo do Meirás, un dos favoritos a conseguir o título de campión nesta nova temporada que se reforzou coas fichaxes de Óscar (procedente do Val), Marcos Rubia (Eume) e Diego Aneiros.
Sen dúbida estamos ante un gran partido, entre dúas das mellores plantillas da 2ª autonómica ferrolá.
Durante o descanso actuará a rondalla “Os trovadores” de Ares e ao finalizar o encontro, o sr. alcalde de Ares, d. Julio Iglesias entregará o trofeo ao equipo vencedor.