PINCHAZO INOPORTUNO
Mal partido dos de Ares que saldouse cunha xusta derrota.

Prados Vellos, 12 de decembro do 2010.

ALINIACIÓNS:
NUMANCIA: Carlos, Bule, Costa, Vicente (Antón 58´), Zeta, Alex, Oli, Pedro Machado, Manu, Javi (Teti 58´) e Rubén (Carlos 65´).

MANDIÁ CF: Iván Rodríguez, Carlos, Cesar, Roberto, Iván Aneiros, Loren, Luís, Pincho (Moises 63´), Valillas, Unay (Oscar 80´) e Pacuco (Diego 76´).

COLEXIADO: D. Roberto José Landrove Sande (Delegación de Ferrol). Amoestou a Zeta e Javi pólo Numancia. Pólo Mandiá a Carlos, César e Roberto, e expulsou a Loren e Julio Mouzón (adestrador) por dobre amoestación.

GOLES:
Numancia: Carlos.
Mandiá: Unay e Roberto.

Decimoquinta xornada de Liga da 2ª Autonómica onde o Numancia caeu xustamente derrotado ante o Mandía CF en Prados Vellos ante preto de 200 espectadores.

Tarde preciosa de decembro en Prados Vellos. Ambiente emotivo e bonito pola despedida do noso querido Hogen. Moita xente en Prados Vellos, moitos nenos que daban ledicia ó ambiente e moita expectación para ver a un Numancia en racha. Como diciamos, foi unha tarde moi emotiva, en especial para o noso amigo noruegués, un home moi ligado ao Numancia e en especial ao equipo de afeccionados. No acto estivo arroupado por familiares, amigos, afeccionados e xogadores de ambolos dous conxuntos, cuxos capitáns déronlle senllos agasallos. Antes de dar comezo o encontro Hogen fixo o saque de honra, o seu último saque en Prados Vellos, a lo menos de momento. Que teñas unha boa viaxe de volta ao teu país amigo. Botarémosche de menos.

Falando de fútbol, bueno hoxe de fútbol pouco podemos falar, porque non houbo moito. O noso  Numancia en ningún momento do partido tivo claridade co balón, en ningún momento soubo como superar o plantexamento defensivo dos visitantes. Polo tanto, escasas ocasións de gol na primeira metade para o Numancia. O Mandia tampouco tivo moitas, pero nunha delas nun pase ás costas da defensa numantina que controla Unay, encara nun man a man a Carlos e superao de vaselina ante a saída deste, conseguindo envíar o balón ó fondo da portería numantina. 0 - 1 cando corría o minuto 28 de xogo.

Na segunda metade houbo unha pequeña melloría numantina grazas a entrada dun Carlos que estivo moi activo e de mais xente de refresco. Esta lixeira melloría tivo o premio do empate conseguido polo propio Carlos nunha xogada individual no minuto 62. Pero pouco durou a ledicia na parroquia numantina, xa que dous minutos despois, nun clamoroso erro de concentración en defensa o Mandiá poñíase de novo por diante a o saque dunha falta que Roberto remata de cabeza o fondo das mallas, conseguindo o 1 - 2.

De ahí ata ó final, intentou o Numancia modificar ó marcador, pero con mais corazón que cabeza. Hoxe non había claridade, cando non e o día ata un dos mellores dianteiros da categoría Manu, falla ocasións de gol clamorosas. Incluso hoxe fixemos internacional o defensa visitante Roberto que debeu cortar preto de 10 xogadas de ataque coa sua cabeza. Ollo con este xogador, que pode estar na próxima convocatoria do señor Del Bosque. Definitivamente, hoxe non era o día do Numancia. Polo tanto, traballada e merecida vitoria para o Mandiá CF. ¡¡¡Noraboa¡¡¡

Como dicimos, unha derrota inesperada para o Numancia, pero xusta. Hoxe non vimos ó Numancia que todos queremos ver, pero non pasa nada. Nin o mércores despois de xogar en Ortigueira eramos tan bos nin hoxe somos tan malos. Simplemente somos o Numancia, un equipo chamado a dar guerra nesta 2ª Autonómica. Seguimos no grupo de cabeza.

A vindeira semana, xogamos o último partido deste 2010 ante o CD San Sadurniño. Un partido no que no deportivo, soamente serve a victoria para rematar a primeira volta e o ano 2010 no grupo de cabeza da 2ª Autonómica.

No social, creo que todos ós numantinos, absolutamente todos debemos estar ó próximo domingo en Prados Vellos coa excusa do partido do primeiro equipo. Debemos facer unha festa desfrutando do fútbol, para despedir este ano 2010 para o Numancia, un ano, do que creo que non nos podemos queixar para nada. Foi un ano bonito.

Polo tanto, ¡¡¡quedan todos ós numantinos citados para ó próximo domingo ás 16:00 en Prados Vellos para animar o Numancia e facer a festa de fin de ano¡¡¡

¡¡¡Non faltedes¡¡¡

¡¡¡AUPA NUMANCIA¡¡¡