DERROTA INXUSTA.

Tres puntos que se levou o conxunto local do Narón de forma inmerecida xa que o equipo do Numancia fixo méritos máis que suficientes para facerse coa vitoria.

O Cadaval (Narón) 1 de outubro de 2011.

Polo Numancia xogaron: Pepe, Pombo (Ricardo min 45) Roque (min 65), Víctor, Álvaro, Amenedo, Adrián, Jony (Cartelle min 72), Juan (Juanra min 65), Brayan e Dani (Iván min 60).

Tras un inicio un pouco mais acertado do cadro local, e transcurridos os primeiros 10 min, o equipo numantino fíxose ca posesión do balón comezando así a ter claras ocasións de gol. No min 20 da primeira metade, nun balón colgado a area numantina sen aparente perigo, hai unha falta de entendemento entre Pepe, que esta semana tivo que facer de gardameta, e Álvaro, do que se viu beneficiado o dianteiro do Narón marcando a porta valeira o primeiro gol do partido. Os de Ares seguiron xogando con descaro e chegoulles o premio do gol tras unha xogada por banda esquerda que remata cun disparo dentro da área. O porteiro local non e quen de atrapar o balón, que chega os pes de Dani Cagide, quen o empurra o fondo da rede, facendo xustiza o visto no terreo de xogo.

Tras o descanso o partido seguiu igual, con máis dominio por parte do Numancia. Pero faltando 8 min para o seu remate chegou a xogada clave do encontro. O xogador do Numancia Víctor estaba tirado no terreo de xogo, o arbitro fixo caso omiso do que lle dicían os xogadores e o equipo rival decideu seguir a xogada. O Numancia viuse na obriga de facer falta para que o xogador puidera ser atendido: E no lanzamento desa falta chegou o gol da vitoria local.

Salientar que o Numancia puidose ver perxudicado xa que o arbitro non pitou dous penaltis máis que claros a favor dos aresáns.

Esta semana merecen estar todos os xogadores no apartado de xogador destacado, pero vai ser para Pepe por poñerse na portería pola ausencia de Xaime.