Inicio Noticias Cadetes CADETES. NUMANCIA, 3 - EUME DEPORTIVO, 1
 
 

CADETES. NUMANCIA, 3 - EUME DEPORTIVO, 1

SDR Numancia de Ares. Cadetes 2009-2010. Numancia 3 - Eume Deportivo 1. Prados Vellos.Os cadetes non defraudaron ao numeroso público que se deu cita en Prados Vellos. 


Prados Vellos, sábado 20 de marzo do 2010.

26ª Xornada, categoría cadete, 2ª autonómica, grupo 4º.

ALINEACIÓNS:
NUMANCIA: Carlos, Pepe, Adrián (Xaime min. 41), Ángel, Quique, Javi (Roque min. 65), Brayan, Miguel López, Juan (Ricardo min. 61), Edu e David (Antonio min. 41).
EUME DEPORTIVO: José Vidal, Jorge (Alejandro min. 49 e Ramón min. 75), Sergio, Jaime, David Allegue, Edgar, Airión, Daniel, Tomás (Marcos min. 76), Alberto e Diego (David Saavedra min. 41).

GOLES:
1 – 0 min. 3, Edu.
1 – 1 min. 36, Tomás (penalti).
2 – 1 min. 60, Brayan.
3 – 1 min. 73, Edu.

COLEXIADO: Cristian Santos González (Delegación de Ferrol).
Amosoulle cartón amarelo a Juan, Ángel e Fran (Adestrador) polo Numancia.

COMENTARIO:
Bo ambiente e moito público o que se achegou ata Prados Vellos, tanto da parte eumesa como da aresá, a animar a os seus equipos. A priori o encontro prometía espectáculo futbolístico, pois así se podía deducir pola posición ocupada na táboa por ambos equipos, eumeses na cuarta posición e aresáns na sexta. Cos primeiros postos prácticamente definidos, salvo sorpresas, que aínda pode habélas, e a unha xornada do final do campionato de liga ambolos dous conxuntos, a bon seguro, que aínda querían deixar un bo sabor de boca á súa fiel afección.
Ao final, o encontro non é que defraudase, pero en verdade esperábase algo máis do conxunto eumés. Durante a primeira metade estivo desaparecido do terreo de xogo e durante moitos minutos a mercé dos aresás. E durante a segunda puxeron a salsa durante algúns minutos ao comezo, pero pouco tardou en decaer a intensidade do seu xogo.
Aos poucos minutos de iniciada a primeira metade, un gol temperán púxolle o encontro de cara aos de Ares, que ben puideron habelo deixado sentenciado nesta metade, posto que tiveron ocasións para elo. Con todo, os da vila dos Andrade marcharon aos vestiarios con empate a un tanto, grazas a un penalti, xusto, na que practicamente foi a única ocasión na que os eumeses se achegarían con perigo ao área local nesta primeira metade.
Na segunda metade o Eume saleu a polo partido e atosigou durante os primeiros minutos a área aresá, creando dúas boas ocasións para adiantarse no marcador. Parecía que esta segunda metade prometía, pero os de Ares en dez minutos sentenzaron o encontro, marcandolle dous tantos ao rival, un deles nun clamoroso fallo defensivo. De aí ao final do partido os eumeses intentárono pero con máis corazón que xogo. Ao final xusto resultado para os de Ares.
O próximo fin de semana, ultima xornada de liga. Desprazamonos a Meirás para disputar o encontro aprazado por mor do temporal Cintya do pasado 27 de febreiro. Os aresás loitaran pola quinta praza que se disputan co Eume e que á súa vez enfrontase ao As Pontes no Poboado. Esperámosvos a todos nun encontro que a bo seguro será apaixoante. Non faltedes.

MINUTO A MINUTO:
1ª METADE:
M 3: corner que bota Quique, Brayan toca de tacón sobre Edu, control e disparo a bocaxarro que se estrela en José Vidal, o rexeite é enviado a corner por un defensa. Corner que volve botar Quique, Brayan peitea o esférico que chega a Edu, regatea a un defensa colócase o balón na súa perna boa e de forte disparo cruzado a media altura bate ao gardameta eumés, 1 - 0.
M 9: balón en profundidade de Ángel sobre Miguel López que marcha por velocidade do seu marcador, encara ao gardameta que sae baixo os paus, a vaselina do dianteiro aresá supérao pero o balón sae desviado.
M 12: saque de corner en curto de Quique sobre Ángel que dispara algo desviado.
M 31: libre directo desde o vértice da área que lanza Quique, o balón vaise por riba do traveseiro.
M 36: penalti a favor do Eume que transforma Tomás para establecer a igualada, 1 - 1.
M 35: disparo de Miguel López desde á liña de fondo que o gardameta eumés envía a corner con algunha dificultade.
M 38: balón en profundidade de Quique sobre Miguel López, éste encara ao gardameta eumés que moi valente arróxase aos pés do dianteiro rexeitando o esférico.
M 40: falta que colga Ángel ao área eumesa, Miguel López remata de cabeza pero o esférico marcha pegado á base do pau.

2ª METADE:
M 49: disparo bombeado de Tomás desde a semilua da área aresá que a punto está de sorprender a Carlos.
M 52: disparo raso de Edgar axustado á base do pau que Carlos envía a corner.
M 60: falta que colga Quique ao área eumesa, Edu toca de cabeza, recolle Brayan controla leva ao seu marcador e de forte disparo cruzado bate a José Vidal, 2 - 1.
M 62: libre directo que lanza Edu, o balón marcha excesivamente alto.
M 73: balón que colga Quique ao área eumesa, dous defensas fallan no despexe, o balón chega aos pés de Edu, controla, dáse media volta e de forte disparo marca o 3 - 1.
M 80: corner que bota o Eume, remate de cabeza de Alberto que Carlos toca lixeiramente enviando de novo a corner.
 

 

Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.