TROFEO Á REGULARIDADE BODEGAS E VIÑOS ARES, 2017/18. 10ª X.
ALEJANDRO PITA, XOGADOR DO MES DE OUTUBRO
E Carlos Arnoso o xogador do partido de onte, ante o Somozas B.
Ares, 30 de outubro de 2017.
Nin Numancia nin Somoza B tiñan necesidade dos puntos que se disputaban en Prados Vellos na tarde deste derradeiro domingo de outubro. O Numancia coa clasificación no peto e o Somozas B descolgado definitivamente. Con estes condicionantes, o máis salientable no partido foi a reaparición de Chapu, despois dun longo e tortuoso ano, superando as secuelas dun grave accidente. Xa non quedan moitos xogadores coa ilusión e as gañas que demostra Chapu, non xa nos partidos, senón nos propios adestramentos. E tamén asistimos ao debut doutro xuvenil, Pablo Cavezza, completando a convocatoria xunto ao seu compañeiro Iván Dragoevich. No lado negativo, asistimos á despedida de Cristian, co billete na man para Malta, onde encontrou o traballo que non puido atopar aquí. O Numancia botárao en falta pero tamén se alegra por el e deséxalle toda a sorte nesta aventura.
En canto ao sorteo das rifas, nesta ocasión o afortunado foi Gelucho, quen levou o regalo de dúas botellas de viño Murillo Viteri personalizadas co escudo do Numancia.
E, finalmente, tres asiduos seguidores e socios do Numancia, ocupantes da zona do banquiño foron os voluntarios para a valoración dos numantinos na tarde de onte: Juan Escudero, Juan Carlos e Guillermo exerceron de xuíces e ditaminaron unhas notas acordes co rendemento visto no céspede.
Estas foron as súas cualificacións:
ARNOSO 10
EMI 9
AMENEDO 8
ELÍAS 8
ESTEBAN 8
JULIO 8
MARTÍN 8
PITA 8
CHAPU 8
FRAN 7
CAVEZZA 7
ESPIÑEIRA 6
JOAQUÍN 6
IVÁN DRAG. 6
Confirmáronse os prognósticos e o primeiro premio da temporada ao xogador máis regular do mes de outubro foi para Pita, quen recollerá o regalo de mans do representante de Bodegas e Viños Ares no primeiro partido que se dispute en Prados Vellos :
PITA 66
FRAN 54
JULIO 52
MARTÍN 52
ESPIÑEIRA 44
ALBERTO 42
JUAN 38
IVÁN 37
ESTEBAN 36
ELÍAS 35
ÁNGEL 34
ARNOSO 34
AMENEDO 32
ÓSCAR 30
VICENTE 29
EMI 25
CARLOS 24
JOAQUÍN 23
CRISTIAN 17
IVÁN DRAG. 11
CHAPU 8
CAVEZZA 7
FERRO 6