DOBRE VITORIA DE BANKIA
Nesta cuarta xornada do torneo os equipos de Bankia gañaron claramente os seus partidos.

Ares, 19 de xullo de 2012
Categoría alevín:
LOS ESPAÑOLES, 3 – BANKIA, 10
Os rapaces de Los Españoles opuxeron más resistencia do que indica o resultado final,  principalmente nos dous primeiros tempos onde os resultados parciais foron de 1 – 2 e 1 – 3. No último tempo foi cando Bankia xogou máis cómodo e conseguiu cinco goles, aínda que o gol de Los Españoles conseguido tras unha espectacular chilena foi dos máis bonitos do torneo.

CATEGORÍA INFANTIL (GRUPO B)

NARANJA MECÁNICA, 5 – BANKIA, 8
Nada máis comezar o partido Bankia anotou dous goles poñendo distancias por medio e o 1 – 4 final do primeiro tempo xa marcou o choque. Co 2 – 4 ao final do segundo tempo parecía que podía chegar unha reacción de Naranja Mecánica mais a incorporación de Aarón supuxo a clara superioridade de Bankia, que con este resultado consegue a primeira posición no grupo.

UNA BANDA, 10 – MANIÑOS, 2

 Parciais: (2-1); (5-0); (3-1)
 
O primeiro tempo foi o máis disputado e comezou adiantándose o Maniños pero axiña igualaron os de Una Banda e acabaron facendo valer o seu maior físico deixando o marcador en 2 – 1.
O segundo tempo foi un monólogo de Una Banda que non deu opción ao Maniños, poñendo no marcador un  7 – 1.
No último tempo seguiu o dominio de Una Banda pero baixou algo a intensidade, mesmo o gol do Maniños foi obra dun remate en propia porta dun defensor do equipo de Una Banda. O resultado final reflicte claramente quen foi o dominador do encontro.

As clasificacións despois de dúas xornadas en cada grupo, quedan así:

A quinta xornada do torneo dispútase este venres, 20 de xullo con estes horarios:
18.30 (AL):  Los Españoles - Xuventude
19.15 (INF A): The Lions - Fantoches
20.00 (INF A): Coca Juniors - Blue Sense

Última xornada da primeira fase no grupo A de infantís cun partido decisivo entre Lhe Lions e Fantoches.