Máis fácil do previsto

Xoán.

ALINEACIÓN: Roberto, Vero, Iván, Carlos, Miguel, Marcelo e Alberto. Tamén xogaron Quique e Brais.

GOLES:

1 – 0 (m.2): Iván, gol olímpico.

2 -0 (m.10): Marcelo, recollendo un excelente pase de Iván.

3 – 0 (m.19): Carlos, só ante o porteiro, tras recibir un pase de Miguel.

4 – 0 (m.23): Miguel, en xogada persoal e despois de varios rebotes.

5 – 0 (m. 31): Brais, a pase de Alberto só ten que empuxar o balón.

6 – 0 (m.37): Alberto, despois de saque de córner e tras realizar unha parede con Calos, dispara forte ao fondo das redes.

7 – 0 (m.39): De novo Alberto, fusilando dede dentro da área.

INCIDENCIAS: Partido disputado o sábado pola tarde ante a presenza de bastante público, que disfrutou dunha boa tarde en Prados Vellos.

COMENTARIO: O primeiro gol de Iván, aos dous minutos de xogo facilitou o camiño para a vitoria do equipo local, que contaba coas baixas de Martín, Fran e Ángel. Foi un partido ben xogado polos locais, empezando pola seguridade defensiva de Vero, moi segura e contundente, cortando todos os ataques do Portuarios e alcanzando un nivel altísimo. Salientar tamén as subidas por banda de Marcelo, que xogou un dos seus mellores partidos, levando o perigo en cada incursión. Se a isto sumamos a habitual regularidade de Iván, Alberto e Carlos, entenderemos o resultado final dun encontro no que o Numan levou o control en todo momento.

Sería inxusto non comentar a escasa fortuna que tivo o Portuarios nos lanzamentos de faltas directas, pois os seus disparos se estrelaron en catro ocasións coa madeira.

Con esta vitoria, consolídase a segunda posición no grupo, á espera dos últimos catro partidos de liga.