RESULTADO INXUSTO POLO VISTO NON CAMPO

Os de Ares foron os claros dominadores no terreo de xogo, pero, a falta de acerto de cara a gol fixo que os tres puntos viaxasen para A Pedreira.

Prados Vellos 10 de marzo de 2012.

Xogaron por parte do Numancia: Martina, Óscar, Manu, Lucas, Jaime, Marcos Margharetto, Martín, Jonatan, Raúl, Marcos Rey e Carlos.

GOLES:

Numancia: Marcos Margharetto.

Galicia de Mugardos: Diego e Iván.

Partido correspondente á xornada número vinte da liga que depararía un derbi que non defraudaría ao numeroso público que se encontraba presente pola intensidade e incerteza do choque. Empezaría o partido con dominio local aínda que sería o cadro mugardes o que se poñería en vantaxe en dúas ocasións índonos  ao descanso cun parcial de 0 - 2. Xa na segunda metade o dominio do equipo aresán seria total de principio a fin, non sendo capaces de concretar as numerosas ocasións das que dispoñerían os locais. Un só gol subiría ao marcador non facendo reflexo ao visto no campo. Felicitar os nenos polo esforzo feito por todos.