PECHE DO CAMPUS E ENTREGA DE DIPLOMAS

Semella que foi onte cando comezou, pero hoxe xa lle tocou aos nenos despedirse dos seus monitores. Este último día foi se cabe inclusive máis...

... caloroso que o xoves, pero as actividades non se viron afectadas en ningún momento, aínda que aos nenos custoulles sobrelevar esta calor á par que realizaban os exercicios. Hoxe recuperamos os monitores iniciais, xa que Álex volveu da Madroa, polo tanto Charlie causou baixa na xornada de hoxe, e Marcelo continuou axudando aos instrutores, en especial, aos que estiveron traballando cos máis pequenos do Campus.

Entre moitas postas, cabe destacar certas premisas que prevaleceron durante o desenvolvemento desta festa do fútbol:

Nesta orde:

1. Toque de balón.

2. Físico e velocidade.

3. Coordinación.

4. Tiros á portería.

Ata a hora da comida, podemos catalogar esta xornada coma "light" respecto a outras máis duras durante o campus, aínda que se mantiveron certos exercicios do resto da semana.

Para comer, trouxeron unhas pizzas para os arredor de 50 nenos, que desfrutaron á sombra, na cantina debido ao calor abrasador que tivemos durante todo o día.

Despois da comida, os monitores deixaron liberdade aos nenos un anaco. Neste tempo falamos con diversos xogadores, por exemplo, David, que nos dixo que "Desfrutara moito deste Campus e non tiña gañas de que rematase xa"; inclusive tamén falamos con Nacho, infantil do Numancia, que salientou o labor dos monitores e dixo que o pasara moi ben neste campus.

Tamén tomamos as reaccións dalgúns pais respecto deste campus:

* Creo que o Campus está moi ben organizado, opino que os monitores fixeron un gran traballo.

* Xenial, o meu fillo está encantado, aprendeu moitas cousas, ademais, os monitores teñen unha boa formación e tacto cos nenos.

* Estivo moi ben organizado, menos xente que outros anos, pero organización impecable, esperamos repetir.

* Estas xornadas de convivencia foron moi positivas no desenvolvemento total do Campus.

Para rematar, produciuse unha entrega de diplomas, estando presentes os monitores; Javier Sánchez, técnico de deportes; e Geno, concelleiro de Cultura e Deporte de Ares, entre outros.