CHARLA COLOQUIO DE STILI
INSTAT SCOUT, programa informático para o fútbol.
Este mércores, 18 de maio, ás 20.00 h. na delegación, o adestrador do Somozas amosará o funcionamento do programa analítico "InStat Scout".
Ares, 16 de maio de 2016
De sumo interese para os adestradores e monitores de fútbol esta charla-coloquio presidida polo adestrador cedeirés do Somozas, Antonio López Stili, na que presentará este programa informático que permite
coñecer en profundidade o rendemento de equipos e xogadores. Con este programa pódense observar vídeos de partidos ou fragmentos deles, clasificándoos por xogador; análises de estatísticas: goles, pases, asistencias, ...; análise da actividade física dun xogador por partido; ...
O obxectivo desta plataforma é axudar na planificación das sesións de adestramento dos futbolistas.
En definitiva, unha interesantísima charla organizada desde a nosa delegación ferrolá que non deberan perder os adestradores. Parabéns á Delegación ferrolá pola súa preocupación e esforzo na mellora da formación futbolística.