A.C. XÁBREGA: CONCERTO
CANCIÓNS PARA A HISTORIA DO NUMANCIA
Este venres, 20 de marzo, ás 20.00 h. a A.C. Xábrega programou un concerto con “Os dous de sempre +1”, no Casino aresán.
Ares, 19 de marzo de 2015.
Emilio Mesías Farías, un dos compoñentes do grupo, explícanos como vai ser a actuación deste venres:
“Nese concerto, no que tocaremos temas do repertorio tradicional, adaptado, ademais de composicións nosas, haberá tamén un espazo para a tradición musical aresá. Nese apartado faremos unha pausa na aportación daquelas comparsas ou cancións onde tiña protagonismo o Numancia, mediante crónicas de viaxes, cando ían xogar a Santiago, no coche de Ramón ou á Betanzos onde se desprazaban en barco...
Considerando o interés que ten o feito da recuperación do noso patrimonio, neste caso histórico-local, convídovos a asistir ao noso concerto.”
Para máis información podemos entrar no espazo web de Xábrega: