A MELLOR XORNADA DA TEMPORADA

Gran fin de semana para os distintos equipos do Numancia. Prácticamente houbo pleno de vitorias nos partidos disputados a pasada xornada que analizamos a continuación:

MODESTOS: Gran vitoria en Mugardos no primeiro derbi da temporada. Tres puntos moi importantes e necesarios para recuperar a moral de cara aos vindeiros compromisos.

FÚTBOL BASE: Os xuvenís xa clasificados para a liga principal da categoría vencían o AD Miño en Prados Vellos aupándose desa maneira a 4ª posición da Fase Previa. Unha cuarta posición que defenderán na última xornada.

O equipo cadete vencía en Miño aupándose aos postos que dan acceso a liga principal da categoría. Deberán confirmar esa escalada na última xornada de Liga.

Os infantís axudaban de maneira importante o venres na vitoria dos cadetes en Miño. O sábado visitaban algo mermados Cedeira onde caían derrotados de maneira moi axustada ante o equipo local na segunda xornada de Liga.

FÚTBOL - 8: Seguen as boas noticias por parte dos nenos numantinos. Os alevíns vencían en Prados Vellos ao segundo clasificado, o Eume Deportivo. Os benxamíns descansaban. O prebenxamín "A" vencía con autoridade ao AD Miño. O prebenxamín "B" non quixo ser menos e vencía con claridade en Barallobre. Os biberóns xogaban en Narón nun partido onde respetaron as normas do Torneo AFACO e intentaron seguir disfrutando do fútbol.

En resumo, gran xornada con moitas ledicias para a parroquia numantina. Agardemos que o bon nivel amosado polos equipos do Numancia teñan continuidade na seguintes xornadas. ¡¡¡E que non se lesione ninguén¡¡¡

O Numancia somos tod@s.

¡¡¡AUPA NUMANCIA¡¡¡