FICHAXES DE INVERNO
FILLON E DIAWARA, NOVOS XOGADORES DO NUMANCIA
As categorías de base do Numancia poderán contar coa incorporación de dous novos xogadores a partir de xaneiro. Trátase de dous xogadores procedentes de Senegal que ...
Ares, 28 de decembro de 2013
… chegaron nestas vacacións de Nadal para vivir coas súas familias, xa instaladas en Ares desde hai uns anos.
Ambos rapaces xogaban nun club de primeira liña na liga senegalesa, o ASC Diaraf, da cidade de Dakar.
Nicolas Fillon, de categoría xuvenil, ten 16 anos e xoga de porteiro, mentres que Issa Diawara, de categoría cadete, xa que ten 15 anos, desenvólvese en posicións ofensivas. Sen dúbida, serán dous bos reforzos para a canteira numantina.