ILUSIÓN E PROGRESO

Partido correspondente a sexta xornada da liga AFACO biberón na sua modalidade de F-8, disputado na tarde do venres no campo de fútbol de Os Pinares.

Perlio 21 de novembro de 2014

NUMANCIA: Mario, Adrián Vidal. Arturo, Carlos, Lucas Varela, Lucas Espiñeira, Jorge, Larraitz, Iker, Marcos e Navas.

Adestrador: Marcos Amor Roel.

Delegado: Daniel Cartelle Fernández.

Por sorte na tarde do pasado venres a chuvia volveu conceder unha tregua e os máis pequenos do Numancia puideron gozar dunha nova xornada de fútbol. Nesta ocasión tocaba aos novos xogadores numantinos desprazarse ata o concello de Fene para disputar un partido fronte aos amigos do Perlio. Nova experiencia, novo campo e como non podía ser menos, carreiras, diversión e goles con vos que entretiveron a todos os presentes nas instalación de Os Pinares.

En resumo, divertido e bonito partido de biberóns entre dous equipos que xa van amosando os progresos e os coñecementos adquiridos co paso das semanas.

A seguinte aventura para estos pequenos aventureiros do Numancia terá lugar no campo de Sinde onde o vindeiro fin de semana o Numancia biberón xogará ante o equipo de O Val.