GRAN IMAXE PESE Á DERROTA

Partido correspondente a 23ª xornada da Segunda Autonómica e que fora adiado no seu día debido ao mal estado dos tres terreos de xogo de O Poboado. O encontro, disputado nun dos campos anexos ante unha gran presencia de aficionados de ambos equipos, reflexaba no descanso o marcador inicial de 0 - 0.
 

As Pontes 20 de marzo de 2015.

FICHA TÉCNICA:

CD AS PONTES "B": Cristian, Sergio, Rubén (Fran 57´), Carlos (Darío 88´), Ross, Juan, Fernando (Luís 86´), Toni, Marcos (C) (Danilo 63´), Samu e Javi (Adán 46´)

Adestrador: Marcos Roca Ledo.

Delegado: Jesús R. Fernández López.

NUMANCIA: Carlos, Paulo (Roque 82´), Antón, Pepe, Martín, Teti (C), Pedrós (Juan 75´), Julio, Alex Pita (Álvaro 80´), Manu (Fernando 72´) e Chapu.

Adestrador: Marcos Antonio Amor Roel.

2º Adestrador: Manuel Antonio Cartelle Permuy.

Delegado: José Ramón Hermida Varela

COLEXIADO: D. Diego Bouza Pena, asistido nas bandas por D. Marcos Padín Pita e D. Iván García Rey. Amoestou a Toni, Fran e Carlos no As Pontes "B". No Numancia foron amoestados Fernando e Cartelle (2º adestrador).

GOLES:

1 - 0 (ADÁN) Balón solto na área do Numancia que recolle Adán para superar a Carlos por alto (minuto 76).

2 - 0 (SAMU) Pérdida de balón de Antón sendo ó último home, e que aproveita Samu para quedarse diante de Carlos e anotar o segundo (minuto 79).

2 - 1 (TETI) Centro dende banda dereita de Fernando que remata de cabeza Teti no punto de penalti (minuto 90).

CRÓNICA:

Na tarde fría e festiva do venres os campos de O Poboado estaban, esta vez si, en boas condicións para que o CD As Pontes "B" que hoxe contaba con toda a sua artillería e o Numancia xogaran o partido da Segunda Autonómica que debeu de xogarse o 1 de marzo.

Comezaban forte os locais que necesitaban a vitoria. Javi aproveitaba unha indecisión defensiva para levar perigo ante a portería de Carlos. Os ponteses empuxaban aproveitando o vento a favor, pero no Numantino Manu avisaba das intencións dos de Ares cun disparo desviado. Continuaba o intercambio de golpes cunha falta colgada polos locais que marchaba fora por pouco. Tamén por fora marchaban sendos disparos de Julio para o Numancia e de Juan por parte dos da vila mineira. Primeiros 20 minutos intensos que daban paso á polémica no minuto 29 cando toda a parroquia numantina reclamaba con insistencia un penalti sobre Chapu e que suporía tamén a expulsión do defensa local. Os colexiados adolescentes do encontro non entenderon tal acción como punible e o xogo continuou. No minuto 30 unha bonita semi - chilena de Chapu marchaba un pouco desviada. Acto seguido un gran disparo do pontés Toni era desviado por Carlos cunha gran parada. Con intercambio de golpes e co 0 - 0 inicial chegábamos ao descanso.

Na segunda metade, continuaba o intercambio de chegadas as áreas por parte de ambos equipos. Avisaba o Numancia cun bo lanzamento de falta de Alex Pita ao que respondía Cristian cunha fermosa parada. Acto seguido Manu veía como tamén Cristian abortaba un dos seus disparos. Os de As Pontes non se durmían, e gozaban dunha gran ocasión cando o defensa do Numancia, Martín estaba a piques de anotar de cabeza en propia porte se non chega a ser pola intervención de Carlos. Novamente Carlos aparecía para facer unha boa parada a lanzamento de Toni. No minuto 60 os noveles colexiados anulaban un gol a Chapu por fora de xogo. Julio lanzaba fora e Chapu estaba a piques de sorprender a Cristian pero hoxe o Numancia tiña a pólvora mollada. Chegaron dous minutos fatídicos para o Numancia. No 76` Adán aproveitaba un balón solto na área visitante para batir a Carlos e poner o 1 – 0. Sen tempo para repoñerse, Samu roubaba á carteira a Antón e anotaba o 2 - 0 sentenciando o partido. Poido recurtar distancias Chapu cinco minutos despois, pero durmiuse diante do porteiro. No último minuto Teti anotaba cun certero cabezazo o 2 - 1 definitivo no marcador de O Poboado.

En resumo, gran imaxe do Numancia a pesares das baixas ante un CD As Pontes "B" reforzado por algún xogador habitual do primeiro equipo e que está a loitar por acceder a fase de ascenso á Primeira Autonómica.

Os numantinos, deberán recuperarse pronto tanto físíca como psicoloxicamente desta derrota. O domingo as 16:30 agarda o Narahío no seu campo de A Veiga. Quedan 5 xornadas, cinco partidos importantes para loitar por quedar entre os cinco primeiros da Segunda Autonómica, e se pode ser cuartos, pois moito mellor. Vémonos esté domingo as 16:30 no duro partido de Narahío. ¡¡¡Non faltedes¡¡¡ A unión fai á forza.

O Numancia somos tod@s

"Los hombres no son nada, los principios lo son todo" (Benito Juárez)

¡¡¡AUPA NUMANCIA¡¡¡

Pulsa no seguinte enlace para ver resultados, clasificación e fichas técnicas da xornada.