Inicio Noticias Xuvenís XUVENÍS: IV TROFEO RESTAURANTE "A CASA NOVA"
 
 

XUVENÍS: IV TROFEO RESTAURANTE "A CASA NOVA"

O ORILLAMAR PROCLÁMASE CAMPIÓN TRAS DERROTAR AO NUMANCIA POR 1 - 0.

E o Betanzos queda terceiro ao vencer ao G. Mugardos por 1 - 0.

 


Ares, 22 de agosto de 2015

En xornada completa, de mañá e tarde, celebrouse este pasado sábado, 22 de agosto, no campo de Prados Vellos a cuarta edición do trofeo de categoría xuvenil patrocinado polo restaurante aresán "A Casa Nova".Numancia de Ares. IV Trofeo Restaurante A CASA NOVA.

Pola mañá xogáronse as dúas semifinais, con estes resultados:

SEMIFINAL 1. NUMANCIA, 3 – G. MUGARDOS, 0.

FICHA TECNICA

NUMANCIA: Quique, Rolo, Oscar, Emi, Pablo Ferro, Sergio Rico, Fran, Martín (C), Marcelo, Antón e Ángel. Tamén interviron no encontró David Gil, Adrián, Nico, Luís, Pablo Cartelle e Miguel.

Adestrador: Miguel Ángel Carballeira García.

2º adestrador: José Manuel Antón Rey.

Delegado: Javier Aneiros Martínez.

G. MUGARDOS: Alex, Xurxo, Alex Pérez, Antón, Alejandro, Martín, Jorge, Gabri, Alex Fernández, Josiño (C) e Pedro. Tamén interviron no encontró Antonio, Chus, Javi, Dani, Diego, Jorge, Sergio, Adán, Miguel e Álvaro.

Adestrador: Javier Ricoy.

Adestrador: Jesús Sixto.

Delegado: Miguel González.

ARBITRO: Diego Bouza Pena. Amosoulle cartón amarelo a Jorge do G. Mugardos.

Comezaba o torneo cun derbi local que sempre ten ese picante que adobía estes partidos. Pois ben, puidemos contemplar unha primeira parte con intensidade e ritmo, a pesar dos poucos adestramentos que levan estes rapaces. Moita igualdade no medio campo e máis chegadas a portería dos aresáns, que viron coma en dúas ocasións os paus evitaron que o balón se introducise na portería ben defendida por Álex.

Na segunda parte, axiña se adiantaron os numantinos cun gol de cabeza de Marcelo e, pouco despois, Ángel pechou o partido con dous goles. Os cambios e o cansazo leváronnos a outro partido, con menos precisión e vistosidade. En definitiva, un cómodo resultado que clasificaba ao equipo organizador para a final da tarde.

 



SEMIFINAL 2. BETANZOS, 0 – ORILLAMAR, 2.

FICHA TECNICA

BETANZOS: Kevin, Pablo, Dani, Carneiro, Cesar, Miguel, Joshua, Alberto (C), Alex, Migui e Fernando. Tamén interviron no encontró Pepelu, Iago, Manu, Valiño e Ponte.

Adestrador: Daniel Rodríguez Fernández.

Delegado: Javier Fraga García.

ORILLAMAR: Vila (C), Lava, Seo, Oscar, Diego Sánchez, Leo, Alex, Boyo, Code, Juanjo e Diego Ferreiro. Tamén interviron no encontró Yago, Joel, Carlos, Elías, Andrés, Sergio e Moran.

Adestrador: José M. Abeledo Cajide.

Delegado: Emilio A. Vázquez Tellado.

ARBITRO: Cristian Pérez Tejerina. Sen inciencias.

Os equipos da delegación coruñesa libraron unha segunda semifinal bastante equilibrada, cun xogo bastante parello que se desnivelou a causa de pequenos detalles. Un balón longo que botou dentro da área superando ao gardameta brigantino, ao pouco de comezar o partido, marcou o desenlace dun partido con moi poucas ocasións, nunha das cales o betanceiro Alex puido establecer a igualada, cabeceando ao traveseiro do equipo coruñés. Xa preto do final, un contraataque do Orillamar, con superioridade dos dianteiros fronte aos defensas, finalizou cun gol fácil que lles deu o pase á final.

 



Xa pola tarde, e cun tempo chuvioso nas primeiras horas, os dous partidos repetiron resultado:

3º – 4º POSTO. G. MUGARDOS, 0 – BETANZOS, 1.

FICHA TECNICA

G. MUGARDOS: Alex, Xurxo, Alex Pérez, Alejandro, Martín, Jorge, Gabri, Alex Fernández, Josiño (C), Pedro e Antonio. Tamén interviron no encontró Chus, Dani, Diego, Jorge, Sergio, Adán, Miguel e Álvaro.

Adestrador: Javier Ricoy.

Adestrador: Jesús Sixto.

Delegado: Miguel González.

BETANZOS: Kevin, Pablo, Dani, Carneiro, Cesar, Miguel, Joshua, Alberto (C), Alex, Migui e Fernando. Tamén interviron no encontró Pepelu, Iago, Manu, Valiño e Ponte.

Adestrador: Daniel Rodríguez Fernández.

Delegado: Javier Fraga García.

ARBITRO: Miguel Piñón López. Amosoulle cartón amarelo a Josiño do G. Mugardos.

Choque con dúas partes ben diferenciadas. Nos primeiros corenta e cinco minutos o Betanzos tivo o control do partido, creando ocasións de gol ante a portería ben defendida por Álex, aínda que só conseguiu materializar unha delas, mentres os mugardeses apenas chegaban á area brigantina.

Na segunda parte cambiaron as tornas e foi o Mugardos quen tivo máis balón e buscou o empate claramente. Porén tamén é certo que o Betanzos puido sentenciar o resultado en máis dunha ocasión con chegadas á contra que non tiveron o acerto do remate. O cansazo nas pernas foi maiúsculo no conxunto brigantino pois só contaba con dous cambios.

 



FINAL. NUMANCIA, 0 – ORILLAMAR, 1.

FICHA TECNICA

NUMANCIA: Álvaro, Pablo Ferro, Oscar, Pablo Cartelle, Emi, Adrián, Sergio Rico, Martín (C), Ángel, Fran e Miguel. Tamén interviron no encontró Rolo, Antón, David Gil, Nico e Marcelo.

Adestrador: Miguel Ángel Carballeira García.

2º adestrador: José Manuel Antón Rey.

Delegado: Javier Aneiros Martínez.

ORILLAMAR: Joel, Carlos, Yago, Sergio (C), Diego Sánchez, Leo, Moran, Boyo, Code, Seo e Andrés. Tamén interviron no encontró Lava, Vila, Elías e Diego Ferreiro.

Adestrador: José M. Abeledo Cajide.

Delegado: Emilio A. Vázquez Tellado.

ARBITRO: José Alejandro Dopico Rodríguez. Amosoulle cartón amarelo a Nico e Adrián polo Numancia, e a Lava polo Orillamar.

Partía coma favorito o equipo coruñés e demostrouno no campo aínda que sen tanta superioridade coma podíamos prever. Controlaba o partido o Orillamar con claridade diante dun Numancia que nunca se rendeu e plantáballe cara en cada balón disputado. O resultado no descanso xa reflectía a vantaxe dos coruñeses por un gol a cero, que puido ser maior de non ter desperdiciado dúas ocasións moi claras ante a portería defendida esplendidamente polo porteiro cadete Álvaro. E na segunda parte seguiu o mesmo partido, con máis control do xogo por parte do Orillamar e un Numancia que porfiaba por encontrar un empate que se lle resistiu. Houbo ocasións por parte de Ángel e de Fran para conseguir ese gol que igualara o partido pero tamén os coruñeses puideron ampliar a súa vantaxe, salvando Álvaro un man a man cun dianteiro do Orillamar. Coma no anterior partido, as forzas foron minguando e baixou o ritmo do partido.

En definitiva, vitoria e trofeo de campión para o equipo da Liga Galega, o Orillamar, e subcampionato para o equipo local, un Numancia que deu a talla ata o final.

PREMIOS:

Finalizado o partido da final comezou a entrega dos trofeos correspondentes:

- Trofeo ao máximo goleador: Ángel Fernández, do Numancia.

- Trofeo ao mellor xogador: Ignacio Seoane, do Orillamar.

- Trofeo de subcampión, entregado por Rayito: Numancia.

- Trofeo de campión, entregado por Manolo, propietario do restaurante “A Casa Nova”: Orillamar.

E despois das duchas, os xogadores visitaron a cantina do Numancia para repoñer forzas degustando uns pinchos preparados por Pepe, cantineiro xefe.

A ADR Numancia agradece a participación dos equipos nesta cuarta edición do trofeo e espera poder volver a organizar este evento en agosto do 2016. Só queda felicitar a todos os participantes polo seu exquisito comportamento e desexarlles grandes éxitos na temporada próxima a comezar.




Colaboradores

Uso de “cookies” Utilizamos cookies propias e de terceiros para mellorar os nosos servizos en relación coas súas preferencias mediante ó análise anónimo dos seus hábitos de navegación. Se continúa navegando, consideramos que acepta o seu uso. Pode obter máis información sobre o uso de “cookies” accedendo a nosa política de “cookies”. Para saber máis sobre as cookies que utilizamos e como eliminar-los, consulta a nosa política de cookies.

Acepto os cookies deste sitio web.