SUMA E SEGUE.

Partido moi disputado futbolísticamente que non se solventou ata a última media hora de xogo, e no que houbo que esperar ata os dez derradeiros minutos para disfrutar dos goles.

A Gándara 11 de febreiro de 2012.

ALINIACIONS:

ASPIRANTES: Bruno, Fandiño, Roberto, Eloy (Diego López 83´), Brais, Berto, Luís, Cristian, Sebas (Diego Piñeiro 64´), Maikel e Dani (Iván 72´).

NUMANCIA: Xaime, Álvaro, Víctor, Amenedo, Pepe, Adrián (Juanra 53´), Jhony, Juan (Juanfran 63´), Cagide (Ricardo 70´), Roque (Brayan 55´) e Cartelle (Borja 46´).

COLEXIADO: David Sierra Pereira. Amoestou a Berto, Iván e Manu polo Aspirantes. Polo Numancia a Juan, Xaime, Cartelle e Borja.

GOLES:

Aspirantes: Fandiño e Iván.
Numancia: Brayan (2), Juanra e Borja.

Tres puntos moi traballados e merecidos para os aresáns nun partido que comezou con moi bo ritmo por parte dos dous equipos, polo que as ocasións non tardarían en chegar. Polo Numancia sería Jhony nun par de ocasións, pero de tiros moi afastados e desviados, e de Cartelle que acertou a parar o porteiro local. O Aspirantes dispoñería doutras dúas boas oportunidades que Xaime solventaría con dúas sensaciónais intervencións. A primeira metade estivo bastante igualada e nos primeiros corenta e cinco minutos ningún dos dous equipos estivo acertado de cara a gol polo que nos fomos ao descanso con empate a cero.

Habería que esperar á segunda metade, pero ao final da mesma, para ver os goles e sufrir a incertidume ata o último minuto. O primeiro en adiantarse no marcador sería o Numancia no minuto 58 á saída dun córner que bota Borja, o balón chega a Juan quén colga ao corazón dá área, donde Brayan adiantase a Bruno e envía ou fondo dá rede, 0 - 1. Brayan sería tamén o autor do segundo tanto aresán, nesta ocasión ao transformar un penalti que comenten sobre él mesmo, corría o minuto 78. 0 - 2 un resultado favorable para os de Ares a quince minutos do final. Pero tres minutos despois un novo penalti, nesta ocasión na área do Numancia, e que transforma Fandiño, permite acurtar distancias ao Aspirantes que volven poñer toda a carne no asador, 1 - 2. No minuto 87 os de Ares volven poñer terra de por medio, nesta ocasión sería Juanra ao prolongar un balón despois dunha falta lateral que pon Borja na área, 1 - 3. Parecía que todo estaba decidido porque o partido estaba prácticamente rematado, pero no fútbol ata o rabo todo é touro. O Aspirantes non tiraría a toalla, e no minuto 90, nun saque de esquina fórmase un balbordo na área do Numancia e despois de varios rexeitamentos o balón chega a Iván quen acurta distancias de novo para o Aspirantes, 2 – 3. Xa no tempo engadido, e vendo as súas posibilidades, o Aspirantes botou o resto descoidando un pouco a faceta defensiva o que aproveitou Brayan para montar un rápido contraataque por banda esquerda, alcanza a liña de fondo, pase cara atrás a Borja quén de disparo cruzado marca o cuarto e definitivo para os de Ares. Xa non houbo tempo para máis, pois corría o minuto 93.

Na crónica deste partido non ofreceremos imaxes do mesmo por petición expresa dun membro da Xunta Directiva do Aspirantes CF, decisión a cal respetamos. Por outro lado dicir que e unha magoa, pois as fotos que se publican nesta WEB non teñen nin fins comerciais, nin económicos, nin de ningunha outra índole. Sinxelamente é un modesto traballo para dar vistosidade ás crónicas dos partidos e dalgún xeito achegar o público en xeral e en especial á xuventude, dunha forma humilde e grafica, as grandezas deste deporte. Pero que lle vamos facer.