EXCESIVO CASTIGO
Sexta xornada da Liga Xuvenil xogada este martes festivo en Prados Vellos ante numerosa presencia de público. 

Ares 12 de outubro do 2010

ALINIACIONES:
NUMANCIA: Tito (Carlos 46´), Álvaro (Jony 61´), Amenedo, Jorge, Víctor, Brayan (Pablo 61´), Juanra, Manu, Moabe, Iván (Coco 46´), Dani (Antonio 66´)
ÁNIMAS: Javier, Faustino, Pablo, Alejandro, Verde, David, Anxo, Leira, Manuel, Lesta, Bernabe, Alejandro, Nilson, Jose, Ismael, Adrián.

COLEXIADO: D. David Brito Regadera (Delegación de Ferrol). Amonestou a Coco do Numancia e Pablo, Alejandro e Manuel do Ánimas. Expulsou a Juanra polo Numancia e a Anxo e Arrojo (adestrador) polo Ánimas.

Bonita maña festiva con sol e boa temperatura. Recibía o Numancia xuvenil ó Ánimas con gañas de desquitarse da derrota do sábado na Barqueira. Saiu o noso equipo con forza e orgullo, xogando ben ó fútbol e chegando con frecuencia as cercanías da portería rival. Iso si, cando chegaban a esa zona as luces apagábanse e as ocasións consistían en disparos lonxanos ou balóns sen rumbo que non atopaban remadator.
Esa falta de profundidade condenou ós numantinos, xa que o Ánimas en dúas contras conseguiría poñerse con 0-2 no marcador, facendo gala dunha boa pegada dos seus homes mais adiantados. Chegaría na media hora de xogo un xusto castigo para ós visitantes, quedándose cun home menos tras xogar esa media hora o límite do regulamento con protestas e xogo duro. Non aproveitou o Numancia esa superioridade, e mais, noutro balón ás costas da defensa numantina o Ánimas colocaría o 0-3 pouco antes do descanso. E de xustiza decir que dous dos 3 goles conseguidos polos visitantes foron en posicións mais que dubidosas, que o árbitro sen asistentes e sen esforzo non poido apreciar. Non pasa nada, lamentarse era de cobardes, tocaba seguir pelexando.

Na segunda metade o Numancia intentou meterlle ritmo o encontro. Conseguiuno pouco a pouco, aínda que era difícil polas continuas perdas de tempo, protestas e discusións entre o colexiado e os xogaodores e persoal do banquillo visitante, o que provocou a expulsión do adestrador do Ánimas e a perda de valiosos minutos de xogo.

Chegaba ós 70 minutos a xogada que mataría o encontro. Un centro do equipo visitante á área numantina e interceptado por Jorge. O árbitro ante a sorpresa xeralizada sinala penalty por mans de Jorge. Aínda encima, Juanra é expulsado nese momento por dirixirse ó colexiado en términos despectivos, nunha acción infantil e de pouca cabeza do noso xogador. O Ánimas marca o 0-4 e ahí morre o partido, a falta de 20 minutos para rematar. Os últimos 20 minutos foron minutos do lixo, onde o comportamento dos dous equipos e acompañantes non foi o desexado. Quizás todos deberíamos de reflexionar e facernos unha pregunta ¿a que imos ós campos de fútbol? Eu penso que a desfrutar e a xogar ó fútbol, pero quizás por outros lares non pensan o mesmo. O peor de todo é que nos contaxiamos.

En definitiva, un Numancia que mellorou moito a súa imaxe con respecto ó último partido. Vimos outra vez ó Numancia que xogou bos partidos contra Neda, Perlío e Sansa. Pero coma sempre a falta de acerto, a pegada do contrario e outras circunstancias incontrolables fixeron que o Numancia xuvenil lévase hoxe un excesivo castigo.

¡¡¡Non pasa nada¡¡¡ Xogando coa actidude de hoxe a tempada será moito mais levadeira para todos. Hai maneiras e maneiras de perder. Agora toca seguir desfrutando do fútbol, sen presións, sen entrar en pelexas con nadie. Disfrutar xogando ben o balón e intentar mellorar e ter mais sorte nos últimos metros. A tempada, que non esquezamos, acaba de comezar, porá a cada un no seu sitio.

Próxima cita para intentar cambiar esta dinámica negativa será este sábado as 16:00 no campo de herba artificial nas instalacións da Gándara ante o Portuarios. Polo tanto, vémonos ó sábado na Gándara apoiando a este equipo que hoxe demostrou que merece todo o noso ánimo, sempre e cando estos rapaces loiten como o fixeron hoxe, independentemente do resultado. ¡¡¡Vémonos o sábado na Gándara¡¡¡

¡¡¡AUPA NUMANCIA¡¡¡