CADETES. NUMANCIA, 2 - G. MUGARDOS, 3
VITORIA DO MUGARDOS NO "VILA DE ARES"
Un Numancia con doses de calidade non soubo amarrar o resultado, acabando un tanto desorganizado.
Ares, 26 de agosto de 2016.
A cuarta edición do torneo “Vila de Ares”, organizado polo Numancia en colaboración co concello de Ares, ofreceunos un interesante partido, con goles e emoción ata o final. Boa asistencia de público en Prados Vellos.
Este segundo partido da pretemporada serviulle ao Juan Alberto para seguir probando xogadores en distintas posicións e ir valorando as posibilidades de cada rapaz. E o equipo aresán vai progresando.
Os xogadores utilizados foron: Chapi, Cristian, Jaime, Fran Romaus, Josema, Dani, Mario Martínez,Martín Saavedra, Iván, Manuel e Mario García. Tamén xogaron os infantís Nacho, Migui, Martín Rodríguez e Pablo Cartelle.
Unha primeira parte con alternativas no xogo e ocasións de gol para os dous equipos rematou con mínima vantaxe para os locais.
Na segunda parte parecía que o Numancia se faría coa vitoria, sobre todo co segundo gol no marcador pero o Mugardos remontou o 2 – 0 en contra, e conseguiu a vitoria por 2 – 3.
Ao remate do partido, o concelleiro de deportes aresán, Geno Fernández, entregou os correspondentes trofeos.